Tonic
Stories
October 17, 2012 Random Thoughts

Meri Pyaari Society!

Log kehete hai mere dadaji aur pitaaji ko tune apne pyaar ke jaal mein phasaya tha aur aaj main bhi tera deewana hu. Aaj mujhe woh din yaad hai jab mere dadaji ne pehli bar tujhse milaya tha. Kitna chota sa tha mein.Maine ne socha nahi tha ek hi din mein itna gehra rishta bann jaayega humaare beech. Roz subah jab tak tujhe hothon se na lagaaun kuch samajh nahi aata hai. Garam garam ye tera ehsaas mere har beemari ki dawa hai, chahe wo sar dard ho, tension ho bus tujse he milti hai har raha. Tere liya kitne logon ke taane suntan hu maa-baap, dost aur rishtedar sab tere khilaaf hai, kehte hai agar tuhse jyaada pyaar karunga to jaan ko khatra hoga…

Ye nadaan kya jaane agar tujhe chodh dunga toh shayad kuch hi dino mein marr jaaunga. Meri maa roz puchti hai kaisa ajab rishta hai ye tumhara, jiski koi limit nahi subah, din ya aadhi raat ho mujhe teri zarurat lagti hai. Ek wakt tha jab Rs 45 mein, mein tujhe sabse cheen ke apne pass lata tha aur aaj Rs 300 dene padta hai tujhe kuch wakt apne sath rakhne ko. Gharwalo ko takleef na ho is liye mein aksar bahar hi tujhse mulakaat kar leta hu ayr kabhi-kabhi office ke neeche he mill leete hai.

Aaj bhi yaad hai 26july, kis tarah tadap raha tha mein, kaha kaha nahi dhund mein ne tujhe, aakhir aadhi adhri jab mujhse mili toh teri kadhwahat ko bhi mein pyaar samajh ke pee gaya aur ek din raat 3 baje police ne naka bandhi kar rakhi thi, metin chupke chupke har sadak pe dhund raha tha tujhe na jaane kaha se ek aawaz aayi sahib aap isse dhund rahe hai kya uss wakt to mujhe sari duniya hi mil gayi thi.

Aaj patta chaala ki tu mujse milne ke liya aasam se aati hai, mein shukurguzaar hu Mr.Hasmukhrai & Co ka joh itne dur se tujhe mujh tak pahuchaate hai. Jis tarah wo tujhe saja ke bhejte hai ek hi nazar mein pasand aa jaati hai tu, kitne pyaar se pala hai tujhe Hasmukhraiji ne.

Meri pyaari chai aur mein tera patti…

.